ozza
عضو مصح صح
عدد المساهمات : 166
نقاط : 456
التقدير : 1
تاريخ التسجيل : 27/07/2009
 |  موضوع: هام لكل العشاق.. أحداث ميرنا و خليل  الأحد أغسطس 02, 2009 12:51 am | |
| ميرنا وخليل قصة حب مثيرة تجمع العاشقين  ده مسلسل جديد بيتعرض علي mbc4 و انا هحكيلكم اللي فات منه عشان اللي يحب يتابع*********** ميرنا بنت ناس متسلطين و عايشين في المانيا بس هما تركيين الأصل باباها راجل غبي و متشدد جدا و بيراقبها في الرايحة و الجاية هو و اخواتها و هي بتحب خليل زميلها في الشغل .. بيشتغلو سوا في محل حلويات بس مخبية علي اهلها علاقتها بيه و ماحدش يعرف غير جدتهاباباها بيضربها و يغصبها عالجواز من واحد تاني غير خليل و ماحدش بيقدر يساعدها و لا حتي اخواتها قدرو يخلصوها من الجوازة دي ... قبل ما تتجوز بتكدب علي خليل و تقوله انها مسافرة اجازة و راجعة و خليل قاعد يحسب الأيام علي رجوعها في الوقت الي هي بتتجهز لفرحها .. و بيجي معاد الفرح و باباها بيطلب الحلويات و التورته من المحل الي هي كانت شغالة فيه اكراما ليها بيروح خليل و واحد تاني يوصلو التورته و هو طبعا مايعرفش ان الفرح الي رايحه ده فرح ميرناو اما بيطلع بالتورتة للعرسان طبعا بيتفاجئ ان العروسة هي حبيبته ميرنا و بينهار و يجري في الشوارع و ينطرد من شغلهفي الناحية التانية ميرنا بتروح مع جوزها بعد الفرح و بتتخانق معاه بالليل و بيضربها و بيبهدلها و اما بيخرج الصبح من البيت ميرنا بتحاول تنتحر و بتشنق نفسها بس جدتها بتلحقها و بتهديها و بعدين جدتها بتخليها تهرب من المانيا و بتقولها تاخد خليل و تروح اسطنبول و هناك ماحش هيلاقيها و لا باباها و لا جوزها هيعرفو يوصلولها .. و فعلا ميرنا بتهرب و بتروح لخليل و بتحكيله الي حصل و بتقنعه انه يهرب معاهاميرنا بتسبقه عالمطار و هو بيروح يجيب حاجته من المحل الي كان شغال فيه و يتفاجئ هناك بوجود اهل ميرنا اللي عرفو ان ميرنا خدت عنوانه من المحل و قررت تروحله و هناك بيشتبكو معاه و بيهرب منهم بس للأسف مالحقش معاد الطيارةميرنا كانت مستنياه في المطار قبل ما يوصل و قالت انها مش هتسافر من غيره بس للأسف اخوها و جوزها بيروحو المطار قبل خليل و بيشوفوها و يهجمو عليها بس هي بتجري و تدخل طرقة المسافرين و هما مش مسموحلهم يدخلو و بتضطر تسافر من غير خليل عشان تهرب منهمبابا ميرنا بيدي مسدس لجوزها و يقوله ده عارك و انت الي لازم تمحيه و بيخليه يسافر و راها علي تاني طيارة هو و اخوها عشان يقتلوها و في نفس الوقت خليل بيسافر علي نفس الطيارة هو كمان عشان يلحقها بس جوزها و اخوها مش بيشوفوهميرنا بتوصل اسطنبول مش عارفة اي حاجة في اي حاجة و بتركب مع سواق تاكسي بيوديها اوتيل تبات فيه و بتقضي الأيام تعيط علي حالها و وحدتها و خليل الي خلاص مش هتعرف تقابله تاني و في نفس الوقت خايفة ان اهلها يلاقوها و يقتلوهاخليل بيوصل اسطنبول و بيدور عليها في اماكن كتير و في نفس الوقت اهلها بيدورو عليها هناك عشان يقتلوها هما كمان و من الحظ بتصادف ان ميرنا تبقي ماشية في الشارع و خليل ماشي في نفس الشارع و جنبها بس مش بيشوفو بعضو في يوم من الأيام بيبقي خليل ماشي في الشوارع في وسط البلد و ميرنا راكبة اوتوبيس و بيشوفها بس هي مش بتشوفه و اما جه ينادي عليها لقي اهلها في نفس المكان و ممكن يشوفوها هما كمان لو نادا عليها و بيفضل يجري ورا الاوتوبيس لحد اما بيبقي في مكان امان و بينادي عليها كتييييييير لحد اما بتشوفه .. و مش قادرة اوصفلكم شكلها بقي اما شافتهطبعا ماكنتش مصدقة انها ممكن تشوفه تاني و يرجعلها الامان تاني بتجري و تنزل من الاتوبس و بتنسي شنطتها من الفرحة الي للأسف فيها كل فلوسها لكن خليل بيطمنها و بيقولها انه هيبقي معاه فلوس كتير ( لانه معتمد علي عمه الغني الي عايش في اسطنبول و الي اخد املاك ابو خليل كها اما مات )و طبعا بعد السلام و الأحضان و كده خليل بياخدها بعيد عن اهلها و بيروحو الاوتيل الي هي ساكنه فيه و خليل بيسكن فيه هو كمان و بيفضلو طول الليل يبصو لبض من الشبابيك و يفتكرو ايام زمانلكن الفرحة مش بتدوم كتير .. خليل في يوم بيخرج عشان يروح لعمه و أهل ميرنا بيعرفو مكانها و بيرحو يجيبوها و يضربوها و بيجرجروها في الشارع من شعرها علي الأوتيل الي هما ساكنين فيه عشان يقتلوهافي نفس الوقت في ناس تانية في اسطنبول بيطاردو خليل اما بيعرفو انه رجع لانه كان هربان منهم في المانيا و بيقتلو عم خليل الي هو كان معتمد عليه في انه هيشغله و يظبطله الدنيا | |
|
